Bu davrda bakalavriat va magistratura bosqichlari talabalari uchun A.I.Gersen nomidagi Rossiya davlat pedagogika universiteti dotsenti A.V.Zatsepin va katta o’qituvchi Y.V.Savitskaya NamDPI dotsenti E.Abdulvohidov bilan binar mashg’ulotlar va mahorat saboqlari o’tkazdilar. Ilmiy ma’ruzalar va amaliy darslar jarayonida magistrant va talabalar xorijiy tillarni o’rganish va o’qitishdagi yangi texnologiyalarni o’zlashtirdilar.

Rossiyalik olimlar NamDPI va A.I.Gersen nomidagi Rossiya davlat pedagogika universiteti hamkorligida tashkil etilga Rus tili markazida xorijiy tillarni o’qitish uchun yaratilgan imkoniyatlardan keng foydalangan holda talabalarning bilimlarini boyitib bordilar.

Hamkorlikdagi dars mashg’ulotlarida o’tilgan mavzular bo’yicha ko’rik-tanlov tashkil etilib, magistrant va talabalarning olgan bilimlari sarhisob qilindi.

Bir oy davom etgan darslar va mahorat saboqlarining faol ishtirokchilariga sertifikatlar topshirildi. Kafedraning xorijiy olimlar bilan samarali hamkorligini davom ettirishi belgilandi.

❮ ❯