Namangan davlat pedagogika instituti hamda M.Auezov nomidagi Janubiy Qozog‘iston universiteti hamkorligida “Zamonaviy dunyoda sun’iy intellekt: talablar tadqiqotlarining yangi bosqichi” mavzusidagi Xalqaro talabalar ilmiy konferensiyasi bo'lib o'tdi.

Konferensiyada, Ilmiy ishlar va innovatsiyalar bo'yicha prorektor Murodxon Qodirxonov, Iqtidorli talabalarning ilmiy tadqiqot faoliyatini tashkil etish boʻlimi boshlig'i R.Tursunov, Yoshlar akademiyasi Ijtimoiy fanlar fakulteti koordinatori G.Narzullayeva, iqtidorli talaba-yoshlar hamda O'zbekiston milliy universiteti, Kokand University Andijon filiali, Muxtor Auezov nomidagi Janubiy Qozog‘iston universiteti hamda boshqa oliy ta'lim muassasalari vakillari o'z ma'ruzalari bilan ishtirok etishdi.

Konferensiya kun tartibida, tayanch doktorantlar, magistrlar hamda iqtidorli talaba-yoshlar tomonidan tabiiy, texnik, ijtimoiy, gumanitar va iqtisodiy fanlar hamda zamonaviy ta’lim metodlari, globallashuv davrida chet tillarini o‘rganishning ahamiyati, raqamli ta’lim texnologiyalari va ta’lim jarayonida sun’iy intellektdan foydalanish masalalari muhokama qilindi.

❮ ❯