NamDPI Pedagogika fakulteti Kreativ pedagogika va psixologiya kafedrasi katta o‘qituvchisi Xasanova Mashxura, Tojiboyeva Osiyo, shuningdek Aniq va tabiiy fanlar fakulteti tyutori X. Abduroxmonov boshchiligida MAT-AU-BU-23 guruh talabalari To‘raqo‘rg‘on tumanida joylashgan Axsikent qadimiy yodgorligiga tashrif buyurdilar.

Tashrif davomida talabalar sirti yangilangan bo‘lsa-da, asl qadimiy ko‘rinishi ehtiyotkorlik bilan saqlab kelinayotgan ushbu tarixiy shahar qoldiqlarini tomosha qildilar. Arxeologik topilmalar, qadimiy inshootlar va o‘tmish qatlamlari haqida berilgan ma’lumotlar ularda katta qiziqish uyg‘otdi.

O‘tmish sahifalariga sayohat qilganday, talabalar o‘zlarini ming yillar avvalgi Axsikent hayotiga tushib qolgandek his etdilar. Ko‘hna shahar tarixi va topilmalar ularga kuchli hayajon, yangi bilim va unutilmas taassurotlar bag‘ishladi.

❮ ❯