Namangan davlat pedagogika instituti Raqamli ta'lim texnologiyalari markazi tashabbusi bilan yoshlar oʻrtasida raqamli texnologiyalarga qiziqishni oshirish, iqtidorli talabalarni aniqlash hamda ularning boʻsh vaqtlarini mazmunli tashkil etish maqsadida “Dolzarb 90 kun" loyihasi doirasida "Zamonaviy davrni sun’iy intellekt bilan kashf etamiz" nomli sun’iy intellektni o‘rgatish kursi tashkil etildi.

Mazkur kursning dastlabki darsida institut talabalari sun'iy intelektning ommabop yoʻnalishlari, xususan, ChatGPT, DeepSeek, Grok chat botlarida ishlash va o'z sohalarida maqsadli qo'llash bo'yicha dastlabki tushunchalarga ega bo'ldilar.
Talabalar oʻz mahoratlari va tezkor fikrlash qobiliyatlarini namoyon etib, kelajakdagi o'z maqsadlariga yetishda sun'iy intellektdan foydalanish boʻyicha fikr-mulohazalarini bildirib oʻtishdi.

❮ ❯