Namangan davlat pedagogika instituti Ijtimoiy fanlar fakulteti tyutorlari talabalar bilan birga 9-may — "Xotira va qadrlash kuni" munosabati bilan "Motamsaro ona" haykali xotira maydoniga tashrif buyurishdi.

Tashrif davomida talabalar ushbu maydonda o’rnatilgan motamsaro ona haykali poyiga hurmat bajo keltirdilar.

Motamsaro ona haykali – ikkinchi jahon urushida halok bo’lgan O’zbekistonlik jangchilar xotirasiga bag’ishlab o'rnatilgan haykaldir. Unda farzandlari urushdan qaytmagan motamsaro ona qiyofasi aks ettirilgan. Onaning yuzlarini ajin bosgan, qaddi bukilgan, g’amga to’la nigohlari yerga qadalgan.

Ushbu tashrif talabalarda vatanparvarlik, Vatanga muhabbat, tinchlikni qadrlash tuyg’ularini yuksaltirdi.

❮ ❯