Profilaktika kuni munosabati bilan Namangan davlat pedagogika instituti Ijtimoiy fanlar fakulteti tyutorlari tashabbusi bilan “Xotin-qizlar o‘rtasida huquqiy madaniyatni yuksaltirish” mavzusida davra suhbati tashkil etildi.

Tadbirda Namangan viloyat Ichki ishlar boshqarmasi mas’ul xodimlari Qayumova Nigora va Karimova Zohida, institutning profilaktika inspektori G. Rahmatullayeva hamda fakultet talabalari ishtirok etdilar.

Suhbat davomida xotin-qizlar o‘rtasida zo‘ravonlik va jinoyatchilikning oldini olish, ijtimoiy tarmoqlardan to‘g‘ri foydalanish hamda kiberxavfsizlik qoidalariga rioya etish masalalari atroflicha muhokama qilindi.

Mutaxassislar tomonidan talabalarga hayotiy misollar asosida tushuntirishlar berildi, ularni qiziqtirgan savollarga atroflicha javoblar qaytarildi.

Tadbir davomida yoshlarning huquqiy madaniyatini oshirish, ularni ijtimoiy masalalarga befarq bo‘lmaslik ruhida tarbiyalash, shuningdek, sog‘lom hayot tarzi va axborot madaniyatini shakllantirish zarurligi alohida ta’kidlandi.

❮ ❯