Pedagogika fakultetining Maxsus pedagogika (logopediya) yo'nalishiga qabul qilingan 1-bosqich talabalari bilan tashkil etilgan seminarda Iqtidorli talabalarning ilmiy tadqiqot faoliyatini tashkil etish boʻlimi boshlig'i R.Tursunov, Yoshlar akademiyasi lideri A.O'rmonjonov va fakultet tyutorlari ishtirok etishdi.

Seminar-trening doirasida O‘zbekiston Respublikasi Prezidenti hamda nomdor davlat stipendiyalari tanlovlarida ishtirok etish mezonlari, "Yilning eng faol talabasi" Respublika tanlovi, "Mirzo Ulug‘bek vorislari" ilmiy-amaliy tanlovi, yirik grant loyihalarida qatnashish imkoniyatlari va talabalarning ilmiy-innovatsion faolligini oshirishga qaratilgan kompleks chora-tadbirlar yuzasidan batafsil ma'lumotlar berildi.

Shuningdek, Yoshlar akademiyasiga a’zo bo‘lish tartibi, ushbu akademiyaning ilmiy-tadqiqot va innovatsion faoliyati, yoshlarning ilmiy g‘oyalarini loyihalashtirish va amaliyotga joriy etish masalalari atroflicha muhokama qilindi. Tadbir davomida talabalar o‘zlarini qiziqtirgan savollarga batafsil javoblar olishdi.

❮ ❯