Namangan davlat pedagogika institutining “Renessans” zalida Qozog‘iston Respublikasining E.A. Buketov nomidagi Qarag‘anda universiteti delegatsiyasi bilan tanishuv marosimi bo‘lib o‘tdi.

Tanishuv jarayonini Qarag‘anda universiteti Jismoniy madaniyat va sport fakulteti ilmiy ishlar bo‘yicha dekan o‘rinbosari, PhD Suliyeva Karina Madievna olib bordi.

Institutimiz nomidan esa ilmiy ishlar va innovatsiyalar bo‘yicha prorektor Qodirxonov Murodxon Rashidxonovich so‘zga chiqib, mehmonlarni samimiy qutladi hamda hamkorlik istiqbollari haqida fikr bildirdi.

Uchrashuv chog‘ida ikki oliy ta’lim muassasasi jamoalari ta’lim, fan va sport sohalarida o‘zaro tajriba almashish, yangi loyihalarni yo‘lga qo‘yish masalalarini muhokama qildilar.

Marosim do‘stona suhbat, ochiq fikr almashinuvi va iliq tabassumlar bilan yodda qoldi.

Bu uchrashuv “Chegarasiz sport” xalqaro talabalar festivali doirasida o‘tkazilib, ikki xalq o‘rtasidagi do‘stlik va madaniy yaqinlikni yanada mustahkamlashga xizmat qilmoqda.

❮ ❯