Namangan davlat pedagogika institutida "Talabalar xavfsizligi kuni" doirasida institut birinchi prorektori A.Isoqboyev hamda institut profilaktika inspektori G. Rahmatullayeva boshchiligida dekan oʻrinbosarlari, tyutorlar bilan davra suhbati boʻlib oʻtdi.

Davra suhbatida A.Isoqboyev tomonidan "Talabalar xavfsizligi kuni doirasida amalga oshirilishi lozim boʻlgan ishlar, talabalarning xavfsizligi, institut odob-axloq qoidalari nazorati xususida so'z yuritdi.

Profilaktika inspektori hozirda talabalar oʻrtasida huquqbuzarlik va jinoyatchilikning oldini olishga qaratilgan chora-tadbirlar, jinoyatchilikning oldini olish, kibermakonda sodir etilayotgan jinoyatlardan ogoh boʻlish, shu bilan birga, talabalarni ham ogoh qilish boʻyicha qator tavsiyalar berib oʻtdi.
Oʻz navbatida, tyutorlar ham oʻzlariga biriktirilgan guruhlari oʻrtasida ushbu dolzarb mavzular boʻyicha qator targʻibot ishlari olib borishayotgani haqida maʼlumotlar berib oʻtishdi.

❮ ❯