Namangan viloyati musiqali drama teatriga Muqimiy nomidagi akademik musiqali teatrining bir guruh iste'dodli vakillari tashrif buyurdilar.Tashrif doirasida Namangan davlat pedagogika instituti professor- o'qituvchilari, tyutorlari hamda faol talabalari uchun teatrlashtirilgan konsert dasturi namoyish etildi.

Teatrlashtirilgan konsert dasturi davomida yurtimiz milliy va zamonaviy san’at namunalarini o‘zida mujassam etgan kuy-qo‘shiqlar, sahna chiqishlari hamda musiqiy kompozitsiyalar namoyish etildi. San’atkorlarning jonli ijrosi tomoshabinlarga ko‘tarinki kayfiyat, unutilmas taassurot ulashdi.

Mazkur madaniy uchrashuv talaba-yoshlarning ma’naviy dunyoqarashini kengaytirish, ularni san’at va ijodga yanada yaqinlashtirish, shuningdek, teatr madaniyatini targ‘ib etishda muhim ahamiyat kasb etadi.

Eslatib oʻtamiz, teatrlashtirilgan konsert dasturlari 26-yanvardan 31- yanvarga qadar davom etadi.

❮ ❯