Namangan davlat pedagogika institutida "Dolzarb 90 kunlik" loyihasi doirasida “Logoped xonasining jihozlanishi” mavzusida 14 nafar iqtidorli talabalar ishtirokida to‘garak tashkil etildi.

To‘garakning asosiy maqsadi – talabalarni logopedik muhit, uning zamonaviy jihozlanish talablari, texnik vositalar hamda amaliy jihatlari bilan yaqindan tanishtirish va bugungi kunda logopedlar faoliyatining ahamiyati haqida ma’lumotlar berildi.

Mashg‘ulotlar davomida logoped xonasi uchun zarur bo‘lgan asbob-uskunalar, artikulyatsion nometlar, didaktik materiallar, nutq rivojlantiruvchi o‘yinchoqlar va zamonaviy axborot texnologiyalarining logopediya sohasidagi o‘rni o‘rganildi.

Talabalar kichik loyihalar doirasida logoped xonalarining 3D model variantlarini ishlab chiqdi, didaktik materiallar tayyorladi hamda yakuniy taqdimotlarda faol ishtirok etishdi.

To‘garak yakunida talabalar bilim va ko‘nikmalarini amaliy mashg‘ulotlar orqali namoyon etib, metodik tavsiyalar ishlab chiqishdi. Eng faol ishtirokchilar rag‘batlantirildi, loyiha asosida esa kelgusida o‘quv-uslubiy qo‘llanma tayyorlash rejalashtirildi.

❮ ❯