Namangan davlat pedagogika institutiga “Yangi O‘zbekiston pedagogi: imkoniyat, xalqaro tajriba” shiori ostida yoshlarni va maktab bitiruvchilarini pedagog kasbiga yo‘naltirishga qaratilgan ilmiy, ma’rifiy va madaniy loyiha – "Ochiq eshiklar" kuni doirasida Mingbuloq tumani hamda Namangan shahari umumta’lim maktablarining 450 nafarga yaqin bitiruvchi o‘quvchilari institutga tashrif buyurdi.

Tashrif buyurgan o‘quvchi-yoshlarga institut tarixi, hozirgi faoliyati, mavjud ta’lim dasturlari va innovatsion loyihalar haqida batafsil ma’lumotlar berildi.

Shuningdek, bitiruvchilar uchun markaziy binoda ekskursiyalar tashkil etildi. Institutning moddiy-texnik bazasi, laboratoriyalar, kutubxonalar va boshqa infratuzilmalari bilan yaqindan tanishish imkoniyatiga ega bo‘ldilar.

Tadbir yakunida o‘quvchi-yoshlarni fikr-mulohazalari tinglandi. Bu kabi ochiq muloqot maydonchalari yoshlar uchun muhim ahamiyatga ega ekanligini ta’kidladilar.

❮ ❯