Xotin-qizlar orasida sog‘lom turmush tarzini keng targ‘ib qilish hamda ularni jismoniy tarbiya mashg‘ulotlari va ommaviy sportga jalb qilishga qaratilgan ishlarni tizimli tashkil etish maqsadida Namangan davlat pedagogika institutida "SOGʻLOM AYOL — YANGI OʻZBEKISTON TAYANCHI" talaba-qizlar va chempion xotin-qizlar uchrashuvi boʻlib oʻtdi.

Uchrashuvda institut Yoshlar masalalari va ma’naviy-ma’rifiy ishlar bo‘yicha prorektor A.Isoqboyev, Sport vazirligi Mintaqalarda sport maktablarini muvofiqlashtirish va rivojlantirish sho‘basi boshlig‘i R.Nurmatova, Namangan viloyati Sport boshqarmasi mas’ul xodimi Sh.Sopiyev, hamda chempionlar Boks bo‘yicha o‘smirlar va o‘smir qizlar o‘rtasida Jahon chempionati sovrindori Ruxshona Parpiyeva hamda Qilichbozlik bo‘yicha bir necha karra O‘zbekiston chempioni Shahnoza Mamasoliyeva ishtirok etishdi.
Uchrashuv davomida chempion qizlar bosib oʻtgan mashaqqatlari, ustozlari, sportning qizlar hayotidagi ahamiyati, sogʻlom turmush tarzini toʻgʻri yoʻlga qoʻyish uchun foydali maslahatlar berishdi.

Uchrashuv soʻnggida talaba-qizlar oʻzlarining qiziqtirgan savollariga atroflicha javob olishdi.

❮ ❯