Namangan davlat pedagogika instituti Iqtidorli talabalarning ilmiy tadqiqot faoliyatini tashkil etish boʻlimi hamda O'zbekiston yoshlar ittifoqi Namangan davlat pedagogika instituti boshlang'ich tashkiloti tomonidan O'zbekiston Respublikasi Prezidenti va nomdor davlat stipendiyalari tanlovlarida ishtirok etish yuzasidan seminar-trening tashkil etildi. Seminarda, Yoshlar bilan ishlash, ma'naviyat va ma'rifat bo'limi boshlig'i Murodjon Nabijonov, Iqtidorli talabalarning ilmiy tadqiqot faoliyatini tashkil etish bo'limi boshlig'i Ramziddin Tursunov, Yoshlar kengashi a'zolari va talaba-yoshlar ishtirok etishdi.

Seminar-treningda ilmiy maqola va tezis yozish tartib-qoidalari, O'zbekiston Respublikasi Prezidenti va nomdor davlat stipendiyalari tanlovlarida ishtirok etish shartlari, pedagogik ta'lim muassasalari talabalari uchun joriy etilgan Abdulla Avloniy nomidagi nomdor davlat stipendiyasi, "Yilning eng faol talabasi" tanlovi, "Mirzo Ulug'bek vorislari" respublika tanlovi bo'yicha batafsil ma'lumotlar berib o'tiladi.

❮ ❯