Namangan davlat pedagogika institutining Namangan pedagogika kolleji binosida tahsil oluvchi talabalar bilan huquqiy madaniyatni yuksaltirishga qaratilgan profilaktik uchrashuv o‘tkazildi.

Uchrashuvni institutning Yoshlar masalalari va ma’naviy-ma’rifiy ishlar bo‘yicha birinchi prorektori A.Isoqboyev ochib berib, talabalar o‘rtasida huquqiy ong va madaniyatni yuksaltirish, sog‘lom ijtimoiy muhitni shakllantirish borasida amalga oshirilayotgan ishlar haqida batafsil ma’lumot berdi.

Tadbir davomida mas’ul mutaxassislar talabalarni shaxsiy huquq va majburiyatlar, yoshlar uchun yaratilgan imkoniyatlar hamda qonuniy tartib-qoidalar bilan tanishtirishdi. Shuningdek, huquqbuzarlikning oldini olish, jinoyatchilikka qarshi kurashish, yuridik savodxonlikni oshirish va sog‘lom turmush tarzini shakllantirish masalalarida batafsil tushuntirishlar berildi.

Uchrashuvda huquq-tartibot organlari vakillari, fakultet rahbariyati hamda mas’ul mutasaddilar ishtirok etib, talabalar o‘zlarini qiziqtirgan savollarga javob olish imkoniyatiga ega bo‘lishdi.

❮ ❯