Namangan davlat pedagogika institutida “Kelajak soati” rukni doirasida navbatdagi “Ma’rifat darsi” bo‘lib o‘tdi. Mazkur mashg‘ulotni kafedra mudiri R.Tillayeva olib bordi.

Darsning asosiy mavzusi — “Biz zo‘ravonlikka qarshimiz” bo‘lib, unda talabalarda sog‘lom ijtimoiy muhitni shakllantirish, zo‘ravonlikning har qanday ko‘rinishiga murosasizlik bilan yondashish, o‘z huquq va burchlarini to‘g‘ri anglash kabi masalalar keng yoritildi.

Mashg‘ulot davomida:
— zo‘ravonlik tushunchasi va uning oqibatlari;
— oila, jamoa va jamiyatda tinch-totuvlik muhitini yaratishning ahamiyati;
— nizolarni tinch yo‘l bilan hal qilish ko‘nikmalari;
— yoshlar o‘rtasida sog‘lom muloqotni shakllantirish
kabi mavzular yuzasidan batafsil ma’lumotlar berildi. Talabalar bilan interaktiv munozaralar, keys-topshiriqlar va savol-javoblar orqali mavzu chuqur muhokama qilindi.

Darsning maqsadi:
Talabalarda zo‘ravonlikka nisbatan qat’iy murosasizlik, adolatga intilish, insonparvarlik, hurmat va mas’uliyat tuyg‘ularini shakllantirish.

Asosiy g‘oya:
Zo‘ravonlik — jamiyat taraqqiyotiga to‘siq. Sog‘lom muhit yaratish esa har bir fuqaroning burchi. O‘zaro hurmat, muloqot madaniyati va bag‘rikenglik jamiyatning poydevorini mustahkamlaydi.

Dars yakunida talabalar zo‘ravonlikka qarshi kurashda har bir insonning faol pozitsiya tutishi muhimligini ta’kidlab, tinchlikni asrash — eng ulug‘ qadriyat ekanini e’tirof etdilar.

❮ ❯