Namangan davlat pedagogika instituti Filologiya kafedrasi dotsenti M.Payzibayeva Namangan shahar Maktabgacha va maktab ta’limi bo‘limiga qarashli 4-sonli umumta’lim maktabida amaliyot o‘tayotgan o‘zbek tili yo‘nalishi 2-AU-BU kurs talabalari faoliyati bilan tanishdi.

Tashrif davomida talabalarning dars jarayonlaridagi faolligi, o‘qituvchilardan o‘rganayotgan amaliy tajribalari va o‘z pedagogik ko‘nikmalarini mustahkamlab borayotgani haqida fikr almashildi.

Maktab ma’muriyati va o‘qituvchilar talabalarning amaliyotdagi ishtirokini ijobiy baholab, ularning darslarda faol, mas’uliyatli va tashabbuskor ekanliklarini ta’kidlashdi.

Shuningdek, maktab direktori talabalarning kitob yarmarkasida faol ishtirok etgani va maktab kutubxonasiga o‘z tashabbuslari bilan badiiy adabiyotlar sovg‘a qilganliklarini e’tirof etdi.

Bu kabi tashabbuslar nafaqat talabalarning kasbiy o‘sishiga, balki o‘quvchilar orasida kitobxonlik madaniyatini targ‘ib etishga ham xizmat qilmoqda.

❮ ❯