Namangan davlat pedagogika institutida sog‘lom turmush tarzini keng targ‘ib etish, jismoniy faollikni oshirish hamda jamoa salomatligini mustahkamlash maqsadida “Salomatlik uchun 5000 qadam” shiori ostida ommaviy piyoda yurish aksiyasi tashkil etildi.

Aksiyada institut rahbariyati, professor-o‘qituvchilar, xodimlar hamda talaba-yoshlar faol ishtirok etib, erta tongda birgalikda piyoda yurishdi. Musaffo tong nafasi, tetiklashtiruvchi harakat va samimiy muhit barcha ishtirokchilarga ko‘tarinki kayfiyat ulashdi.

Mazkur aksiya sog‘lom turmush tarzini qaror toptirish, jismoniy faollikni oshirish hamda institut jamoasi o‘rtasida hamjihatlik va ijobiy muhitni mustahkamlashga xizmat qildi.

❮ ❯