Namangan davlat pedagogika institutida OAV vakillari ishtirokida "Namangan davlat pedagogika institutini oʻquv-ta'limiy, ilmiy Innovatsion va maʼnaviy va maʼrifiy sohalar boʻyicha rivojlantirish yuzasidan amalga oshirilgan ishlar hamda istiqboldagi rejalar" mavzusida matbuot anjumani boʻlib oʻtdi.

Anjumanda dastlab, institut rektori B.Xusanov OAV vakillariga institut faoliyati, taʼlimdagi yangiliklar, professor-oʼqituvchilar haqida maʼlumot berib oʻtdi.

Mavzu doirasida soha prorektorlari tomonidan ilmiy-ta'limiy, maʼnaviy sohalarda olib borilayotgan ishlar, shuningdek,  ta'lim sifatini oshirish, ilmiy tadqiqotlar va institutning rivojlanish strategiyalari, ta'lim sohasidagi islohotlar, yosh avlodni zamonaviy talablar darajasida tayyorlash va ularning kompetensiyalarini oshirish, shuningdek, institutda amalga oshirilayotgan yangi o‘quv dasturlari, innovatsion metodikalar va ta'lim jarayonida axborot texnologiyalarining qo‘llanilishi haqida ma’lumotlar berildi.

Tadbir davomida OAV vakillari tomonidan berilgan savollarga javob berilib, islohotlarning samaradorligini oshirish uchun jamoatchilik fikrini inobatga olish zarurligi haqida soʻz yuritildi.

Anjumanning asosiy maqsadi – ta’lim sohasidagi yangiliklarni keng jamoatchilikka yetkazish va masalalar bo‘yicha ochiq muloqot o‘rnatishdir.

❮ ❯