Namangan davlat pedagogika instituti Falsafiy va tarixiy fanlar kafedrasi professor-o‘qituvchilari ta’lim tizimidagi islohotlarni keng targ‘ib qilish va maktab–oliy ta’lim hamkorligini rivojlantirish maqsadida umumta’lim maktablarida o’quvchilarning ta’lim olish sharoitlari bilan tanishishmoqda.

Kafedra dotsenti A. Qambarov Mingbuloq tumanidagi 38-umumta’lim maktabida bo‘lib, Prezident Shavkat Mirziyoyev raisligida o‘tgan yig‘ilishda belgilangan islohotlar, jumladan 9–11-sinflar uchun yagona davlat imtihoni haqida o‘quvchilarga ma’lumot berib o’tdi.

Shuningdek kafedra o‘qituvchisi M. Umarov Namangan shahridagi 75-umumta’lim maktabida o‘qituvchilar va o‘quvchilar bilan suhbatlashib, dual ta’lim, TOP-100 va TOP-500 oliy ta’lim muassasalari bilan hamkorlik hamda xalqaro va milliy sertifikatlarga oid imkoniyatlarni tushuntirib berdi.

❮ ❯