Mamlakatimiz boʻylab yoshlar hayotidagi eng masʼuliyatli sinov – oliy taʼlim muassasalariga kirish imtihonlari bosqichma-bosqich oʻtkazilmoqda. Ana shunday muhim maskanlardan biri boʻlgan "Doʻstlik" Akademik litseyida test sinovlari yuksak tashkiliy darajada, tartib-intizom asosida, shaffoflik va xolislik mezonlariga toʻliq amal qilgan holda davom etmoqda.

Abituriyentlar bu yerda nafaqat oʻz bilimlarini sinovdan oʻtkazmoqda, balki orzular sari bir qadam yaqinlashmoqda. Ushbu sinovlarda Namangan davlat pedagogika instituti masʼul xodimlari faol ishtirok etib, har bir tafsilotni eʼtibordan chetda qoldirmayapti.

Litsey hududida imtihonlar uchun barcha shart-sharoitlar yaratilgan:

sinov xonalari texnik jihatdan toʻliq jihozlangan,
xavfsizlik va gigiyena qoidalariga qatʼiy amal qilinmoqda,
ota-onalar uchun kutish hududlari, sovuq ichimliklar va axborot burchaklari tashkil etilgan boʻlib, farzandlarini test2025.uz sayti orqali online kuzatib borishmoqda.

Bu oddiy test sinovi emas — bu kelajak sari yoʻl! Bu – orzular, maqsadlar, kelajak kasblar sari qoʻyilgan dadil qadamdir!

❮ ❯