Bugun Namangan davlat pedagogika institutida Xorijiy tillar kafedrasi tomonidan “Raqamli transformatsiya sharoitida xorijiy tillarni o‘qitishda innovatsion yondashuvlar” mavzusida respublika miqyosidagi ilmiy-amaliy anjuman tashkil etildi.

Anjumanni institutning ilmiy ishlar va innovatsiyalar bo‘yicha prorektori M.R. Qodirxonov ochib berib raqamli transformatsiya jarayonlarining ta’lim tizimiga ta’siri, xorijiy tillarni o‘qitishda zamonaviy yondashuvlarning ahamiyati hamda ilmiy-tadqiqot faoliyatining dolzarb yo‘nalishlari haqida atroflicha to‘xtalib o‘tdi.

Anjuman doirasida ta’lim jarayonini raqamli texnologiyalar asosida tashkil etishning nazariy-metodologik asoslari, filologik ta’limda lingvodidaktik yondashuvlar hamda kompyuter texnologiyalarining o‘rni, xorijiy tillarni o‘qitishda innovatsion metodlar va zamonaviy pedagogik texnologiyalarning samaradorligi, shuningdek, globallashuv sharoitida raqamli muhitning ijtimoiy-madaniy va kommunikativ xususiyatlariga oid ilmiy ma’ruzalar muhokama qilindi.

❮ ❯