Talabalar bilan birgalikda “KASBIY KO‘NIKMALAR MARKAZI” ga tashrif buyurildi. Ushbu tashrifning asosiy maqsadi talabalarning amaliy bilim va ko‘nikmalarini rivojlantirish, ularni turli kasb-hunar yo‘nalishlari bilan yaqindan tanishtirish hamda kelajak kasbini ongli ravishda tanlashlariga ko‘maklashishdan iborat bo‘ldi.

Tashrif davomida markaz mutaxassislari tomonidan talabalarga mavjud hunar turlari haqida batafsil ma’lumot berildi. Jumladan, tikuvchilik, pazandachilik, kompyuter texnologiyalari, elektrotexnika, sartaroshlik va boshqa ko‘plab yo‘nalishlar bo‘yicha amaliy mashg‘ulotlar tashkil etilganligi ta’kidlandi. Har bir yo‘nalish uchun zamonaviy jihozlar va qulay sharoitlar yaratilgani talabalarda katta qiziqish uyg‘otdi.Talabalar o‘zlarini qiziqtirgan yo‘nalishlar bo‘yicha ustozlar bilan suhbatlashib, o‘quv jarayoni, o‘qitish metodlari va amaliy mashg‘ulotlar haqida batafsil ma’lumot oldilar. Shuningdek, ular ayrim hunar turlarini bevosita kuzatish, hatto kichik amaliy ishlarni sinab ko‘rish imkoniyatiga ega bo‘ldilar. Bu esa ularning kasbiy qiziqishlarini yanada oshirdi. Mazkur tashrif talabalarning nazariy bilimlarini amaliyot bilan mustahkamlash, mehnat bozorida talab yuqori bo‘lgan kasblar haqida tasavvurlarini kengaytirishda muhim ahamiyat kasb etdi. Yakunda talabalar o‘z taassurotlari bilan o‘rtoqlashib, bunday tashriflar ularning kelajak rejalari va kasb tanlashida katta yordam berishini ta’kidladilar. KASBIY KO‘NIKMALAR MARKAZI ga uyushtirilgan tashrif talabalarning kasbiy yo‘nalishini aniqlash, ularning amaliy ko‘nikmalarini rivojlantirish hamda zamonaviy hunar turlariga bo‘lgan qiziqishini oshirishda samarali va foydali bo‘ldi.

❮ ❯