Namangan davlat pedagogika instituti rektori B.Xusanov "Doʻstlik" akademik litseyida oliy taʼlim muassasalariga kirish bo‘yicha davom etayotgan test sinovlari jarayonini oʻrgandi.

U tashrif davomida test topshirayotgan abituriyentlar uchun yaratilgan sharoitlar, jarayonning shaffof va adolatli o‘tishini ta’minlash choralari bilan tanishdi. Shuningdek, test sinovlarini kuzatayotgan ota-onalar bilan samimiy muloqot qilib, ularning fikr va mulohazalarini tingladi.

Uchrashuv chogʻida institut jamoasi tomonidan ota-onalarga hozirgi ta’lim tizimidagi yangiliklar, institutda yaratilayotgan imkoniyatlar haqida maʼlumotlar berildi hamda farzandlarining kelajakdagi taʼlim yoʻnalishini to‘g‘ri tanlashda ularga yordam berish masalalari muhokama qilindi.

❮ ❯