Namangan davlat pedagogika instituti hamda Namangan viloyat qo‘g‘irchoq teatri hamkorlik memorandumi doirasida “Milliy qadriyatlar — iftixorimiz” mavzusida festival tashkil etildi.

Maktabgacha ta’lim kafedrasi sirtqi 2-bosqich talabalari tomonidan qo’l mehnati namunalari, ijodiy ishlar kompozitsiyasi, nazariy bilimlarning amaliy natijalari mustaqil ishlar ko’rgazmasi har bir guruhning mutaxassislik mahoratining namunasi sifatida namoyish qilindi.
Ko‘rgazmada talabalar tomonidan bolalarni sahnalashtirish ijodiy faoliyatga o‘rgatish fani yuzasidan qilingan somon ishlari, pape mashe usulida yasalgan qo’g’irchoqlar, meva va sabzovot, poliz maxsulotlari, to‘qilgan o‘yinchoqlar tomoshabinlarda katta ta’assurot qoldirdi.

Milliy adras kiyimlar, qo‘g‘irchoq teatrining turli qahramonlari paradi, teatr tomoshalari ayniqsa, dasturning eng hayajonli namoyishi bo’ldi.

Qo‘g‘irchoq teatri jamoasining “Ona tabiat va janob metan” asari qahramonlarining chiqishi, “Aqlli bolajonim” maktabgacha ta’lim tashkiloti kichkintoylarining raqs tomoshalari festivalga oʻzgacha fayz berdi.

Festival davomida tashkilotchilar, faol qatnashchilar turli naminatsiyalar bo‘yicha faxriy yorliq, tashakkurnoma hamda esdalik sovg‘alari bilan taqdirlanishdi.

❮ ❯