Bugun institutimizda 2025–2026 o‘quv yilining ilk mashg‘ulotlari “Mustaqillik darsi” bilan boshlandi. Mazkur darslarda institut professor-o‘qituvchilari bilan bir qatorda fan doktorlari, yetuk mutaxassislar, madaniyat xodimlari hamda shoirlar ishtirok etdi.

Ular talabalarga mamlakatimizning mustaqillikka erishish yo‘lidagi mashaqqatli jarayonlari, ijtimoiy-iqtisodiy taraqqiyoti, xalqaro hamjamiyatdagi obro‘-e’tibori hamda 34 yillik tariximiz davomida erishilgan yutuqlar haqida so‘zlab berishdi. Shuningdek, Prezidentimiz rahbarligida amalga oshirilayotgan keng ko‘lamli islohotlar, yoshlar uchun yaratilayotgan imkoniyatlar va ulardan oqilona foydalanish masalalari ham keng yoritildi.

Dars davomida yurt ozodligi, erkinligi va taraqqiyoti yo‘lida jon fido qilgan ajdodlarimiz xotirasi yodga olindi, ularning mardlik, jasorat va sabr-matonatga boy hayot yo‘li yoshlar uchun ibrat sifatida ta’kidlab o‘tildi.

“Mustaqillik darsi” talabalarning maqsadlarini yanada mustahkamlash, yurt ravnaqi yo‘lida mas’uliyatli, bilimli va fidoyi bo‘lib ulg‘ayishlariga turtki bo‘ldi.

❮ ❯