Namangan davlat pedagogika instituti Maktabgacha ta'lim kafedrasi qoshida faoliyat yuritayotgan "Ijodkor qizlar" to‘garagining navbatdagi mashg‘uloti bo‘lib o‘tdi.

To‘garak rahbari — kafedra o‘qituvchisi D.Olimova hamda 1-bosqich magistrantlar hamkorligida tashkil etilgan toʻgarak mashgʻulotida Namangan shahar 1-IMI o‘quvchilari ishtirok etishdi.

Mashgʻulot davomida o‘quvchilarga maktabgacha ta’lim yo‘nalishidagi imkoniyatlar, to‘garakda olib borilayotgan ijodiy faoliyat va ko‘rgazmalar haqida atroflicha ma’lumot berildi.

Magistrantlar tomonidan o‘quvchilarga qo‘l mehnatlari — turli ijodiy ishlanmalar yaratish jarayoni amaliy tarzda namoyish etildi. Bu esa o‘quvchilarda san’at va ijodga nisbatan katta qiziqish uyg‘otdi.
Mashgʻulot yakunida o‘quvchilar o‘z bilim va ko‘nikmalarini amaliy mashg‘ulotlarda sinab ko‘rishdi. Eng faol ishtirokchilar rag‘batlantirildi.

Bu kabi tashabbuslar yoshlarda ijodiy fikrlash, estetik did va mehnatsevarlik fazilatlarini shakllantirishga xizmat qilmoqda.

❮ ❯