Namangan davlat pedagogika institutida talaba-yoshlarning huquqiy savodxonligini oshirish, ularda Konstitutsiya normalariga hurmat va sadoqat tuyg‘usini shakllantirish maqsadida "O‘zbekiston Respublikasining Konstitutsiyasining 1-moddasi mazmuni”ga bag‘ishlangan huquqiy seminar tashkil etildi.

Tadbirda Ijtimoiy fanlar fakulteti tyutorlari T.Ismanov, S.Ubaydullayev, A.Inomjonov, A.Bustonov hamda talaba-yoshlar ishtirok etib, O‘zbekistonning davlat sifatidagi asosiy prinsiplarini yoritib beruvchi 1-moddaning mazmun-mohiyati, Konstitutsiyaning 1-moddasida belgilangan O‘zbekiston – suveren demokratik respublika ekanligi, davlat mustaqilligi, xalq hokimiyatchiligi va boshqaruvning demokratik tamoyillari bo‘yicha ma'lumot berildi.

Seminar jarayonida talabalar o‘zlarini qiziqtirgan savollar bilan murojaat qilishdi, amaliy misollar orqali konstitutsiyaviy normalarning hayotdagi ahamiyati ko‘rsatib berildi.

❮ ❯