Namangan viloyatidagi umumta'lim maktablarining bitiruvchi sinf o'quvchilari o'rtasida kimyo, biologiya va fizika fanlari bo'yicha ko'p bosqichli "NamDPI olimpiadasi" o'tkazildi.

Namangan davlat pedagogika institutida "NamDPI Olimpiadasi" o'tkazildi. Oʻzbekiston Respublikasi Prezidentining 2020-yil 12-avgustdagi “Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish chora-tadbirlari to‘g‘risida”gi PQ-4805-son qarori, 2021-yil 19-martdagi “Fizika sohasidagi ta’lim sifatini oshirish va ilmiy tadqiqotlarni rivojlantirish chora- tadbirlari to‘g‘risida”gi PQ-5032-son qarori ijrosini ta'minlash maqsadida Namangan viloyatidagi umumta'lim maktablarining bitiruvchi sinf o'quvchilari o'rtasida kimyo, biologiya va fizika fanlari bo'yicha ko'p bosqichli "NamDPI olimpiadasi" o'tkazildi. Olimpiadaning ochilish marosimida O'quv ishlari bo'yicha prorektor Ahliddin Abdunazarov, rektor maslahatchisi Mamatxon Xodjayev, Ilmiy tadqiqotlar, innovatsiyalar va ilmiy-pedagogik kadrlar tayyorlash bo'limi bo'limi boshlig'i J.Yuldashev, Korrupsiyaga qarshi kurash "Kompleans-nazorat" tizimini boshqarish bo'limi boshlig'i A.Tojimatov, Iqtidorli talabalarning ilmiy tadqiqot faoliyatini tashkil etish bo'limi boshlig'i R.Tursunov, kafedra mudirlari N.Abdullayev, A.Matkarimov, kafedra professor-o'qituvchilari va mas'ul xodimlar, o'quvchilar va ularning ota-onalari ishtirok etishdi. Dastlab Axborot resurs markazida olimpiadaning viloyat bosqichi bo'lib o'tdi hamda unda institutning tumanlarda joylashgan O‘quv-ilmiy metodik markazlarida o'tkazilgan tuman bosqichlarida g'oliblikni qo'lga kiritgan 90 nafardan ortiq o'quvchi yoshlar ishtirok etishdi hamda o'z bilimlarini sinovdan o'tkazdilar hamda har bir fan bo'yicha eng yuqori natijani qayd etgan 10 nafardan o'quvchilar olimpiadaning oliy ta'lim bosqichiga yo'llanmani qo'lga kiritishdi.

❮ ❯