Rossiya va O‘zbekiston oliy ta’lim muassasalari rektorlari ishtirokidagi mintaqalararo konferensiyasi doirasida ikki davlat oliy taʼlim tizimi vakillari oʻrtasida muzokaralar olib borildi.

Namangan davlat pedagogika instituti hamda A.I.Gertsen nomidagi Rossiya davlat pedagogika universiteti hamkorlik muzokarasi ikki davlat o‘rtasidagi ilmiy va ta’lim sohasidagi aloqalarni mustahkamlashga asos boʻladi.

Hamkorlik doirasida oliygohlar  o'rtasida dasturlar, fakultetlar va tadqiqot loyihalari bo‘yicha hamkorlikni rivojlantirish, talabalar va professor-o'qituvchilar almashinuvini tashkil etish kabi masalalar muhokama qilindi.

Shuningdek, kadrlar tayyorlashda tajriba almashish, yangi dasturlarni joriy etish va ta’lim sifatini oshirishga qaratilgan takliflar ishlab chiqildi.
Bu esa nafaqat oliy ta’lim sohasini rivojlantirishga, balki ikki davlat o‘rtasidagi ilmiy, taʼlimiy, madaniy aloqalarni ham mustahkamlashga xizmat qiladi.

❮ ❯