Namangan davlat pedagogika institutida “Turizm va mehmondo‘stlik sohasida ta’lim amaliyoti: kelajakka yondashuv” shiori ostida muhim hamkorlik tadbiri bo‘lib o‘tdi.

Mazkur tadbir doirasida Namangan viloyati Turizm boshqarmasi bilan institut o‘rtasida hamkorlik memorandumi imzolandi.

Uchrashuvda Turizm boshqarmasi o‘rinbosari Otabek Rasulov va Namangan davlat pedagogika instituti rektori B.Xusanov ishtirok etib, kelgusida turizm sohasida mutaxassislar tayyorlash, talabalarning amaliyotini samarali tashkil etish hamda viloyatda turizm va mehmondo‘stlik xizmatlarini rivojlantirish bo‘yicha o‘zaro kelishuvga erishdilar.

Ushbu memorandum ikki tomonlama hamkorlikni mustahkamlash, yangi loyihalarni amalga oshirish va yoshlar uchun amaliy ko‘nikmalarni yanada kengaytirishga xizmat qiladi.
Tadbir yakunida tomonlar kelajakda turizm sohasida ta’lim va amaliyot integratsiyasini kuchaytirishga oid qo‘shimcha rejalarni ham belgilab olishdi.

❮ ❯