NamDPI Jismoniy madaniyat yo‘nalishi bitiruvchilari va hamkor tashkilotlarning ochiq muloqoti tashkil etildi.

Muloqotdan ko‘zlangan maqsad bitiruvchilarni har tomonlama qo‘llab-quvvatlash, ularning bandligini ta’minlash va jamiyatda munosib o‘rin topishiga ko‘maklashish, kadrlar tayyorlash jarayonini takomillashtirishda buyurtmachi tashkilotlar bilan hamkorlikni mustahkamlashdan iborat.
Muloqotda Sport boshqarmasi boshlig‘i o‘rinbosari F.Yunusov boshchiligida tizimning mas’ul xodimlari, sport muassasalari va markazlarning direktorlari, IIB ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari, podpolkovnik N.Rahimovlar kelgusida sport tizimi va IIB xizmatlarida o‘z faoliyatini olib borishni maqsad qilgan bitiruvchilarga, ishga kirish tartiblari va sohada yoshlar uchun yaratilgan imkoniyatlar xususida tushunchalar berib o‘tdilar.

Muloqot yakunida faol bitiruvchilarga Sport boshqarmasining esdalik sovg‘alari taqdim qilindi.

❮ ❯