Namangan davlat pedagogika instituti tashabbusi bilan yaqinlashib kelayotgan 1-oktabr – O‘qituvchi va murabbiylar kuni munosabati bilan viloyatimizdagi barcha umumta’lim maktablarida faoliyat yuritayotgan pedagoglarga tabriknomalar yetkazilmoqda.

Namangan davlat pedagogika instituti rektori B.Xusanovning Mingbuloq, Uychi hamda Namangan tumanlaridagi maktablar jamoasida faoliyat olib borayotgan o‘qituvchi va murabbiylarga yo‘llagan samimiy bayram tabrigi yetkazildi.

Tabriknomalarda ustozlarning ta’lim va tarbiya yo‘lidagi fidokorona mehnati yuksak qadrlanishi, Prezidentimizning “Xalqimizning kelajagi maktabdan boshlanadi” degan g‘oyasi hamda ustoz-murabbiylarga bildirilgan ishonch va ehtirom o‘z ifodasini topgan.

Institut jamoasi barchangizga sihat-salomatlik, oilaviy saodat va mas’uliyatli kasbingizda ulkan yutuqlar tilaydi.

❮ ❯