“O‘zbekiston – 2030” strategiyasi: ustuvor vazifalar mazmuni keng jamoatchilikka yetkazildi

Namangan davlat pedagogika institutida O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga Murojaatnomasi hamda “O‘zbekiston – 2030” strategiyasida belgilab berilgan ustuvor vazifalarning mazmun-mohiyatini keng jamoatchilikka yetkazishga qaratilgan ma’rifiy uchrashuv bo‘lib o‘tdi.

Mazkur uchrashuvda mamlakatimiz taraqqiyotining yaqin va uzoq istiqboldagi asosiy yo‘nalishlari, ijtimoiy-iqtisodiy islohotlarning mazmuni, ta’lim tizimini rivojlantirish, yoshlar siyosatini takomillashtirish, ma’naviy-ma’rifiy muhitni mustahkamlash borasida belgilangan muhim vazifalar atroflicha muhokama qilindi.

Tadbirda institut rahbariyati vakillaridan Yoshlar masalalari va ma’naviy-ma’rifiy ishlar bo‘yicha birinchi prorektor A.Isoqboyev hamda Talabalar ijtimoiy-ma’naviy muhit barqarorligini ta’minlash bo‘yicha rektor maslahatchisi M.Xodjayev ishtirok etib, “O‘zbekiston – 2030” strategiyasining mazmuni, unda belgilangan ustuvor yo‘nalishlar hamda oliy ta’lim muassasalari zimmasiga yuklatilgan vazifalar yuzasidan batafsil ma’lumotlar berishdi.

 

Uchrashuv davomida strategiya doirasida amalga oshirilayotgan islohotlarning amaliy ahamiyati, yoshlarning intellektual salohiyatini oshirish, vatanparvarlik ruhini mustahkamlash, ma’naviy barqarorlikni ta’minlash masalalari alohida e’tirof etildi. Shuningdek, ishtirokchilar tomonidan mavzu yuzasidan fikr-mulohazalar bildirilib, savol-javoblar orqali ochiq va samarali muloqot olib borildi.

❮ ❯