Namangan davlat pedagogika instituti Falsafiy va tarixiy fanlar kafedrasi o‘qituvchisi Ixtiyor Ergashev tomonidan o‘ziga biriktirilgan 3-kurs Tarix (sirtqi) ta’lim yo‘nalishi talabalarining malakaviy amaliyot jarayonlari monitoring qilindi.

Yangiqo‘rg‘on tumanidagi 7-sonli umumta’lim maktabida amaliyot o‘tayotgan talabalarning dars o‘tish jarayonlari, metodik tayyorgarligi va maktab jamoasi bilan hamkorligi ko‘zdan kechirildi. Monitoring davomida talabalarga nazariy bilimlarni amaliyot bilan bog‘lash yuzasidan zarur tavsiyalar berildi.

✅Tashrif doirasida maktabning bitiruvchi sinf o‘quvchilari bilan uchrashuv tashkil etildi. Muloqot davomida yoshlarga Namangan davlat pedagogika institutining bugungi faoliyati, mavjud ta’lim yo‘nalishlari va yangi imkoniyatlar, talabalar uchun yaratilgan shart-sharoitlar haqida batafsil ma’lumot berildi.

Uchrashuv savol-javoblarga boy tarzda o‘tdi va ko‘plab bitiruvchilar pedagogika sohasiga qiziqish bildirdilar.

❮ ❯