Namangan davlat pedagogika instituti Ijtimoiy fanlar fakulteti tyutorlari tashabbusi bilan Namangan viloyati Favqulodda vaziyatlar boshqarmasi, shuningdek, Xavfsizlik va jamoat tartibini ta’minlash boshqarmasi (X va JTTEB) bilan hamkorlikda talaba-yoshlar o‘rtasida profilaktik uchrashuv tashkil etildi.

Ishtirokchilar:

• Namangan viloyati FVB X va JTTEB boshlig‘i podpolkovnik A. Ergashev

• Namangan shahar FVB boshlig‘i o‘rinbosari kapitan B. Otabayev

• Institut professor-o‘qituvchilari va talaba-yoshlar

Tadbirning maqsadi:

Uchrashuvning asosiy maqsadi — talabalarning yozgi ta’til davrida xavfsizligini ta’minlash, favqulodda holatlarning oldini olish va ogohlikni kuchaytirishdan iborat bo‘ldi. Mutaxassislar tomonidan quyidagi muhim masalalar yoritildi:

• Belgilanmagan suv havzalarida cho‘milish xavflari;

• Yong‘in, chaqnash va is gazidan zaharlanish holatlari;

• Uy sharoitida tayyorlangan tuzlamalardan botulizm kasalligiga chalinish xavfi;

• Quturish kasalligining oldini olish choralari;

• Yosh bolalarni nazoratsiz qoldirish oqibatlari.

---

Muhim eslatma:

Hurmatli institut professor-o‘qituvchilari va talabalari!
Favqulodda holatlar yuz berganda Namangan viloyati FVBning quyidagi qisqa raqamlariga tezkor murojaat qiling:

• ☎️ 1050

• ☎️ 101

O‘zingiz va yaqinlaringiz xavfsizligini ta’minlang!
Ogohlik — davr talabi!

❮ ❯