Tadbir avvalida talaba qizlar “Zo‘ravonlikka qarshimiz” mavzusida esse yozib, o‘z fikr-mulohazalari, hayotiy qarashlari va jamiyatda zo‘ravonlikka toqat qilmaslik tamoyillarini ifoda etdilar.

Davra suhbatida institut profilaktika inspektori G. Rahmatullayeva, rektor maslahatchisi G. Tajiboyeva hamda Pedagogika fakulteti dekan maslahatchisi M. Djakbarova ishtirok etib, zo‘ravonlik tushunchasi, uning turlari va salbiy oqibatlari haqida batafsil ma’lumot berishdi. Shuningdek, mamlakatimizda xotin-qizlarni tazyiq va zo‘ravonlikdan himoya qilishga qaratilgan qonunlar, davlat siyosati hamda amaldagi huquqiy mexanizmlar bilan talabalar tanishtirildi.

Tadbir davomida talaba qizlar uchun maxsus tayyorlangan targ‘ibot roliklari namoyish etildi. Ular orqali zo‘ravonlikka barham berish, huquqiy madaniyatni oshirish va xavfsiz hayot tarzini shakllantirishga oid muhim ma’lumotlar yetkazildi.

❮ ❯