Toshkentdagi AQSH elchixonasi orqali AQSH Davlat departamentining Fulbright English Teaching Assistants Program (Fulbright ETA) loyihasi doirasida Namangan davlat pedagogika institutiga ingliz tili mutaxassisi Kevin Berghuis jalb qilindi.

Amerikalik mutaxassis institut rektori B. Xusanov bilan uchrashib, institut faoliyati va talabalarga yaratilgan sharoitlar bilan yaqindan tanishdi. Shuningdek, u Xorijiy tillar kafedrasi professor-o‘qituvchilari bilan suhbatda bo‘lib, kelgusidagi dars jarayonlari va hamkorlik yo‘nalishlari haqida fikr almashdi.

Kevin Berghuis 9 oy davomida xorijiy tillar (ingliz) yo‘nalishi talabalari bilan ishlash, ularning ingliz tilida suhbatlashish ko‘nikmalarini mustahkamlashda yordam beradi.

Mazkur hamkorlik, nafaqat talabalarning til bilish salohiyatini oshirish, balki xalqaro ta’limiy tajriba almashinuvini yanada kuchaytirishga xizmat qiladi.

❮ ❯