Ijtimoiy fanlar fakulteti tyutori M. Ruzimatovaga biriktirilgan O‘zbek tili va adabiyoti yo‘nalishi 2-bosqich talabalari o‘zlarining bo‘sh vaqtlarini mazmunli o‘tkazish maqsadida institut kutubxonasiga tashrif buyurib, badiiy va ilmiy adabiyotlar bilan tanishdilar.

Kutubxona zallarida talabalar o‘zbek va jahon adabiyoti durdonalari, ilmiy qo‘llanmalar, darsliklar hamda zamonaviy tadqiqot asarlaridan foydalanish imkoniga ega bo‘ldilar. Bu jarayon ularning bilim doirasini kengaytirish, ijodiy va ilmiy salohiyatlarini oshirishda muhim ahamiyat kasb etadi.

Tadbir jarayoniga, yaqinda boshqa oliy ta’lim muassasalaridan o‘qishini Namangan davlat pedagogika institutiga ko‘chirib kelgan 5 nafar talaba ham jalb qilinib, ular ham kutubxona fondi bilan yaqindan tanishdilar.

❮ ❯