Namangan davlat pedagogika instituti tomonidan navbatdagi o‘quv-ilmiy metodik markaz Uchqo‘rg‘on tumanidagi 1-umumiy o‘rta ta’lim maktabi negizida faoliyatini boshladi.
16.10.2025 10:59:32 11
Markazning asosiy maqsadi — tumandagi ta’lim tizimini izchil takomillashtirish, xalqaro baholash dasturlari orqali zamonaviy integrativ pedagogik tajribalarni joriy etish, innovatsion-ma’rifiy muhitni shakllantirish hamda sifatli ta’limni ta’minlash yo‘lida institut va maktablar o‘rtasidagi hamkorlikni mustahkamlashdan iborat.
ASOSIY VAZIFALAR:
• Umumiy o‘rta ta’lim muassasalari pedagogik xodimlarining kasbiy salohiyatini oshirish va ularni zamonaviy metodikalar asosida rivojlantirib borish;
• Dual ta’lim konsepsiyasi doirasida “4+2” modeli asosida tizimli va maqsadli o‘quv-amaliy mashg‘ulotlarni tashkil etish;
• Maktablarga metodik va ilmiy-uslubiy ko‘mak ko‘rsatish;
• Maktab va oliy ta’lim muassasasi o‘rtasidagi akademik hamkorlikni yangi bosqichga olib chiqish;
• Pedagogika sohasidagi ilg‘or tajriba va innovatsion yondashuvlarni o‘rganish, o‘rgatish va ommalashtirish orqali ta’lim sifatini yuksaltirish.
Ushbu tashabbus ta’lim tizimi uchun yangi imkoniyatlar eshigini ochadi hamda o‘qituvchi va talabalar uchun amaliy o‘quv hamkorligining samarali maydoniga aylanadi.
