Namangan davlat pedagogika instituti Andijonda boʻlib oʻtgan "Talabalar ligasi" sport musobaqasining Yengil atletika turi boʻyicha mutlaq gʻolibi — NamDPI sportchi talabalarining tantanali kutib olish marosimi boʻlib oʻtdi.

Marosimdan soʻng institut rektori B.Xusanov boshchiligida sportchi-talabalar bilan uchrashuv tashkil etildi.

Uchrashuvda rektor talabalarning ushbu muvaffaqiyati bilan qutlab, institut rahbariyati, jamoasi ularni doimo qoʻllab-quvvatlashga, kerakli sharoitlar yaratib berishga tayyor ekanini aytdi.

Oʻz navbatida, Jismoniy madaniyat va sport kafedrasi mudiri S.Azizov, shuningdek, sportchi-talabalar murabbiylari N.Ummatov, Sh.Jahongirov talabalarning ushbu yutugʻi institut jamoasining yutugʻi ekanini taʼkidlab bundan keyingi musobaqalarda ham munosib ishtirok etib, zafarli gʻalaba bilan qaytishga talabalar nomidan soʻz berdi.

Eslatib oʻtamiz, Namangan davlat pedagogika instituti talaba sportchilari sportning YENGIL ATLETIKA turi boʻyicha:
21 ta oltin
5 ta kumush
3 ta bronza — jami 29 ta medalni qoʻlga kiritib, 310 ochko bilan "Talabalar ligasi sport musobaqasining mutlaq gʻolibi boʻldi.

❮ ❯