Namangan shahrida bitiruvchi yoshlar uchun tashkil etilgan “TalabaExpo–2025” kasb ko‘rgazmasi bugun o‘z ishini boshladi.

“Barkamol avlod” sport majmuasida bo‘lib o‘tayotgan ko‘rgazmada Namangan viloyatidagi oliy ta’lim muassasalarining 10 867 nafarga yaqin bitiruvchi talabalari ikki smenada qatnashmoqda.

Ular uchun 240 dan ortiq korxona va tashkilotlar tomonidan taqdim etilgan 1500 dan ziyod bo‘sh ish o‘rni, startap va innovatsion loyihalar, kredit dasturlari va moliyaviy maslahatlar, seminar-treninglar hamda institutlar taqdimotlari taklif etilmoqda.

Ochilish marosimida Namangan viloyati hokimligi, Oliy ta’lim, fan va innovatsiyalar vazirligi, “O‘zmilliybank” AJ, Savdo-sanoat palatasi va boshqa hamkor tashkilotlar vakillari so‘zga chiqib, ta’lim va ishlab chiqarish o‘rtasidagi uzviy bog‘liqlikni kuchaytirish, yoshlarning kasbiy salohiyatini yuzaga chiqarish bo‘yicha fikr bildirishdi.

“TalabaExpo–2025” — bu yoshlar bilan ish beruvchilar o‘rtasida to‘g‘ridan-to‘g‘ri muloqotni yo‘lga qo‘yuvchi, bandlik imkoniyatlarini kengaytiruvchi va kasbiy o‘sishga xizmat qiluvchi amaliy maydonga aylanmoqda.

#Kelajakka_qadam #TalabaEkspo2025 #Namangan #Bandlik

❮ ❯