Ijtimoiy fanlar fakultetida tyutorlar tomonidan institut Xotin-qizlar bo’yicha rektor maslahatchisi N. Maxmudova ishtirokida “Yoshlar o’rtasida erta nikoh va oilaviy ajrimlarni oldini olish“ mavzusida davra suhbati o’tkazildi.

Yoshlarni oilaviy hayotga tayyorlash bugungi kunda muhim ijtimoiy vazifalardan biridir. Chunki oila – inson kamolotining asosiy maktabi, jamiyat barqarorligining poydevoridir. Shu bois bu jarayonda ta’lim muassasalari, mahalla hamda ota-onalarning o‘rni beqiyosdir. Ular yoshlarning ongli qaror qabul qilishi, hayotiy mas’uliyatni his etishi va mustaqil fikrlashini shakllantirishda muhim rol o‘ynaydi.

Shoshqaloqlik bilan qabul qilingan qaror esa ko‘pincha tushunmovchilik va kelishmovchiliklarga sabab bo‘lishi mumkin. Shuning uchun yoshlar bilim, mas’uliyat va hayotiy tajribaga tayanib qaror qabul qilishi lozim. Zero, baxtli oila – baxtli jamiyat demakdir.

❮ ❯