2025-yil 5-may kuni “Namangan Yoshlar Texnoparki” direktori R.Inamov boshchiligidagi mas’ul xodimlar tomonidan Namangan davlat pedagogika instituti talabalari uchun texnopark faoliyatiga oid taqdimot o‘tkazildi.Seminarda Iqtidorli talabalarning ilmiy-tadqiqot faoliyatini tashkil etish bo‘limi boshlig‘i R.Tursunov va iqtidorli talaba yoshlar ishtirok etishdi.

Tadbir davomida ishtirokchilarga texnopark doirasida yoshlarga yaratilayotgan imkoniyatlar, mavjud zamonaviy infratuzilmalar hamda “InnoX” dasturi doirasida tashkil etilishi rejalashtirilgan trening va amaliyot jarayonlari haqida batafsil ma’lumotlar taqdim etildi.

Mazkur tadbirda Namangan davlat pedagogika instituti rahbariyati hamda talabalar faol ishtirok etib, o‘zlarini qiziqtirgan savollarga atroflicha javob oldilar.

“InnoX” dasturini keng ommaga yetkazish bo‘yicha targ‘ibot ishlari izchil davom ettirilmoqda.

❮ ❯