Namangan davlat pedagogika institutining xalqaro aloqalarini yanada rivojlantirish maqsadida dunyoning nufuzli oliy ta’lim muassasalari bilan hamkorlik aloqalari izchil kengaytirilib kelinmoqda.Xususan, institut rahbariyati Polsha davlatining TOP–1000 talikka kiruvchi Gdansk universiteti bilan ikki tomonlama hamkorlikni yanada rivojlantirish uchun uchrashuv o‘tkazdi.

Tomonlar o‘rtasida hamkorlikni yo‘lga qo‘yish maqsadida quyidagi masalalar bo‘yicha kelishuvlarga erishildi:
— talabalar, professor-o‘qituvchilar va tadqiqotchilarning akademik mobilligini amalga oshirish;
— qo‘shma ilmiy-tadqiqot loyihalarini ishlab chiqish va ilmiy maqolalarni birgalikda nashr etish;
— qo‘shma konferensiyalar, seminarlar va yozgi maktablarni tashkil etish;
— ta’lim dasturlarini modernizatsiya qilish va oliy ta’limni internatsionallashtirish sohasida tajriba almashish.

 

Uchrashuv yakunida ikki tomonlama hamkorlik memorandumini imzolash masalasi boʻyicha kelishib olindi.

❮ ❯